Во 2011 година Пректот за поддршка на човекови права продолжува со имплементација на своите главни активности, во насока на обезбедување на бесплатна правна помош на граѓани кои се жалат на повреда на своите права од страна на полициски службеници, како и за наводи на случаи на тортура. Правните советници во Скопје, Куманово, Тетово, Прилеп и Струмица во текот на месец Април започнаа со достава до сите релевантни институции и организации во рамки на регионите кои ги покриваат, на правната анализа за 2010 година "Механизми за заштита на човековите права во случаи на пречекорување на полициските овластувања".

Во период од 22-23 ноември 2010 се одржа втората обука со претставници од затворите Битола,Прилеп,Струмица,Охрид,Струга како и од Воспитно-поправниот дом Тетово.  Оваа обука се одржа во соработка со Управата за извршување на санкции при Министерството за правда,и се спроведе во просториите на Општина Прилеп. Обуката беше спроведена од г-дин Иџет Мемети- Народен правобранител на РМ на темата “ Улогата на Народниот правобранител како Национален превентивен механизам” како и од м-р Стојанка Мирчева од Факултетот за безбедност на тема “ Правата на лицата лишени од слобода”.

На 30.09.2010 и 01.10.2010 се одржа првата обука со затворски службеници од КПД Идризово,Штип, затворите Скопје,Тетово,Куманово и воспитно-поправниот дом.
Обуката се одржа во просториите на Факултетот за безбедност во Идризово а во соработка со Управата за извршување на санкции при Министерството за правда.
Обуката ја спроведоа г-дин Иџет Мемети –Народен правобранител на тема Националниот превентивен механизам во РМ и м-р Стојанка Мирчева на тема Почитување на правата на лица лишени од слобода.

По покана на Македонскиот центар за меѓународна соработка проектниот координатор на Проектот за поддршка на човековите права ќе оствари студиска посета во Северна Ирска со претставници на секторот полиција и правда во период од 23 до 28 мај 2010.Со цел промоција на Националниот превентивен механизам во Република Македонија, а во соработка со Народниот правобранител во период 05-06 јуни 2010 ќе се одржи втора обука со полициски службеници, а во период септември-ноември и две дводневни обуки со затворските служби од повеќе казненопоравни домови во државата.Во рамките на заштита на човековите права на лица лишени од слобода во период од мај-јуни се договорени две посети на затворски установи и тоа КПД Штип и Затворот во Скопје,додека во период септември-декември ќе се организираат посети на полициски станици во соработка со Секторот за внатрешна контрола и професионални стандарди.Во месец мај ќе биде објавен периодичниот извештај на Проектот за поддршка на човекови права во делот на обезбедување на бесплатна правна помош на евентуални жртви на полициска злоупотреба или тортура.