По покана на Македонскиот центар за меѓународна соработка проектниот координатор на Проектот за поддршка на човековите права ќе оствари студиска посета во Северна Ирска со претставници на секторот полиција и правда во период од 23 до 28 мај 2010.Со цел промоција на Националниот превентивен механизам во Република Македонија, а во соработка со Народниот правобранител во период 05-06 јуни 2010 ќе се одржи втора обука со полициски службеници, а во период септември-ноември и две дводневни обуки со затворските служби од повеќе казненопоравни домови во државата.Во рамките на заштита на човековите права на лица лишени од слобода во период од мај-јуни се договорени две посети на затворски установи и тоа КПД Штип и Затворот во Скопје,додека во период септември-декември ќе се организираат посети на полициски станици во соработка со Секторот за внатрешна контрола и професионални стандарди.Во месец мај ќе биде објавен периодичниот извештај на Проектот за поддршка на човекови права во делот на обезбедување на бесплатна правна помош на евентуални жртви на полициска злоупотреба или тортура.

Во период од 17 и 18 април во рамките на Проектот за поддршка на човековите права беше одржана дводневна работилница во Тренинг центарот на МВР во Идризово на тема :
“Националниот превентивен механизам во Република Македонија и почитување на правата на лица лишени од слобода”.
Презентација на првата тема одржа г-дин Иџет Мемети, Народен правобранител на РМ, додека за втората тема беше вклучен тимот на Секторот за внатрешна контрола и професионални стандарди при МВР.На обуката учествуваа 25 полициски службеници и тоа сменоводители од полициските станици во     Охрид, Валандово, Гевгелија, Кочани, Радовиш, Штип, Пробиштип, Струмица, Ресен, Прилеп, Дебар, Струга, Крушево, Демир Хисар, Македонски Брод, Битола, Берово, Кичево, Делчево, Виница и Свети Николе.
Поздравен говор на обуката одржа и г-ѓа Анета Станчевска, помошник министер во МВР, Сектор за внатрешна контрола и професионални стандарди.

Проектот кој се спроведува 6 години, оваа година е финансиран од Европската Унија преку инструментот на EIDHR ““Strengthening the Role of Civil Society in Promoting Human Rights and Democratic Reforms”во износ од 38.000,00 евра (имплементиран од Коалиција Сите за правично судење, Форум за правата на Ромите Арка од Куманово и Центар за граѓанска иницијатива од Прилеп) и од Фондот за жртви од тортура при УН во износ од 35.000,00 $.

Телесни повреди, психичка тортура, нечовечко однесување, се најчестите злоупотреби од страна на полицијата во регионот на југозападна Македонија, утврдил Центарот за граѓански иницијативи од Прилеп. Во оваа организација досега 46 лица имаат побарано помош, но главен проблем е што граѓаните се плашат да поднесат тужба против полицијата. Нечовечно однесување и казнување со нанесување телесни повреди на жртвите, психичка тортура, полициско непостапување и непрофесионалност се најчести злоупотреби на функцијата на полицајците во регионот на југозападна Македонија, вклучувајќи го и регионот на Неготино и Кавадарци, соопштија од Центарот за граѓански инцијативи во Прилеп, една од 5-те асоцијации која веќе 5-та година го реализираат проектот за поддршка на човековите права. Според информациите, до сега во Центарот помош побарале 46 граѓани а 9 од нив реагирале само во текот на минатата година.