|
Страница 1 од 3 Што претставува Проектот за Поддршка на човековите права?
Целта на Проектот за поддршка на човековите права (ППЧП) е да обезбеди бесплатно правно советување на наводните жртви на полициско неправилно однесување, кои бараат помош во поднесувањето на официјални жалби преку различни расположливи административни и правни механизми.
Во текот на 2004 год. три невладини организации кои го имплементира проектот: „Информативен Центар за Граѓанско Општество“ (ИЦГО)- Скопје, „Центар за Демократски Развој“ (ЦДР) - Тетово и „Форум за правата на Ромите-АРКА“ - Куманово. Проектот беше имплементиран во регионите на Тетово, Скопје и Куманово.
ППЧП продолжи да се имплементира и во 2005 година. Подрачјето на Скопје сега е покриено од страна на Коалицијата „Сите за правично судење“, како и тоа што има две нови НВО во Проектот, „Центар за граѓанска иницијатива“ од Прилеп и „Избор“ од Струмица. Во 2005 година ППЧП целосно ја покри територијата на Република Македонија, за разлика од 2004год. година кога проектот го покриваше само подрачјето на северна и северозападна Македонија. Проектот е финансиран и поддржан од Набљудувачката Мисија на ОБСЕ во Скопје и од Институтот Фондација институт Отворено општество Македонија-ФИООМ.
Проектот произлегува како резултат на тековни набљудувања на националните НВО и меѓународните организации кои ги следат жалбите на граѓаните за повреди на човековите права. Истите имаат забележано дека жртвите честопати ги сметаат жалбените постапки како застрашувачки, сложени, заплашувачки, спори, фрустрирачки, скапи и понекогаш како неуспешни.
Цели и задачи на Проектот - Обезбедување правда за жртвите на полициска злоупотреба или неправилно однесување на полицијата;
- Обезбедување одговорност и транспарентност во работата на државни институции кои примаат жалби за можни повреди на човекови права;
- Зголемување на капацитетите на државни институции кои примаат жалби за можни повреди на човекови права;
- Придонес за подобрување на пристапот и довербата на јавноста во овие државни институции;
- Зголемување на капацитетите на домашните правни НВО, кои дејствуваат во областа на човековите права;
- Зајакнување на врската меѓу граѓанското општество и државните институции кои примаат жалби за можни повреди на човекови права;
- Организирање на прес конференција на крајот на 2005 год. за јавно презентирање на аналитичкиот извештај за 2004-2005 година, кој меѓу другото ќе содржи и предлози за соодветни политички и законодавни реформи засновани врз согледувањата и наоѓањата по Проектот ;
- Преку презентирање на конкретните случаи пред релевантните државни актери, преку веќе воспоставените вообичаени координативни состаноци и преку информативните кампањи да се подобри и зајакне работната врска помеѓу организациите што учествуваат во проектот и државните институции.
Бесплатно правно советување за наводните жртви на полициска злоупотреба Во рамките на бесплатното правно советување правните советници вклучени во проектот ги превземаат следниве активности: - Интервјуирање и документирање на наводите;
- Фотографирање на повреди и други докази;
- Помагање на повредените лица да примат неопходно медицинско лекување и соодветна документација на повредите;
- Собирање на дополнителна придружна документација;
- Давање совети за правните лекови кои им стојат на располагање на наводните жртви, вклучувајќи поднесување на претставки до Секторот на МВР за Внатрешна контрола и професионални стандарди, Канцеларијата на Народниот правобранител, Јавното обвинителство, како и приватни тужби;
- Помагање на наводните жртви во изготвување писма, жалби и поднесоци до горенаведените институции;
- Придружување и/или застапување на наводни жртви на состаноци со државните соработници;
- Пренесување на информации за случајот до меѓународни организации;
- Обезбедување на средства за социјално загрозените лица, за покривање на трошоците за вадење на лекарски уверенија.
Задача на НВОи вклучените во проектот е преку средствата за јавно информирање будно да ги следат потенцијалните субјекти и доколку откријат повреда на човековите права благовремено да реагираат и да ги превземат потребните чекори.
|
