Случаи на полициска злоупотреба од Република Македонија и натаму се регистрираат пред Европскиот суд за човекови права во Стразбур. Имено на 6 март 2007 е донесена одлука за допуштеност на случај (Џеладинов и други против Република Македонија) кој се однесува на полициска злоупотреба, т.е. на повреда на членот 3 (забрана на тортура) и членот 13 (право на ефективен лек) од Европска Конвенција за Човекови Права. Дополнително на 18 септември 2006 е донесена одлука за допуштеност на случај (Сулејманов против република Македонија) кој исто така се однесува на повреди на предходно споменатите права од Конвенцијата. На 15.02.2007 год. Судот во Стразбур донеса пресуда (случај Јашар против Република Македонија) во која констатира повреда на член 3 од Конвенцијата  Од предходно изложеното се гледа дека феноменот на полициска злоупотреба се идентификува како проблем на македонското општество.